mohd badhri bin mohd radzi a.k.a piya

ambo pon toktau bakpo buleh ttubik idea nok nnulih pasal piya nih.

sapo sebenarnya anok muda bernamo mohd badhri bin mohd radzi ni..

ok, namo gelare dio dale pasuke kelate adalah PIYA..

paka no jersi 16.

lahir pado 2 june 1982,

main untuk skuad kelate sejak tahun 2004 sampai ko hari ni

tapi pado maso kejatuhan kelate tahun 2005, dio beralih angin
dio gi main nga PDRM,
antara sebab dio gi denu pasal time tu kelate jatuh keno main liga FAM, mano standard. player berbakat main liga nga set kelab kapong.. kah kah kah,
tapi..

tok lamo , dio main sapa abih musim 2006.

kemudian pado tahun 2007, dio kelik mari main nga kelate smula..
mungkin dio saye lagi ko kelate , wallahuaklam..

sejak tu sapa ko hari ni, time ambo dok nnulih ni, dio kekal nga kelate.. musim depe tok tau laa.. kalu jenih napok ko pitih.. dio mungkin berhijrah.. pasal set selangor dok offer nu...
jak musim lepas lagi bunyi kabar selangor nok sign kontrak.

dale tempoh 2007 - 2011,

banyak pahit manis piya ni dale skuad kelate.

kito cerito hok manis dulu..

beliau antara pemain hok membarisi skuad ketika membawa kelate mendaki liga bawahan selangkah demi selangkah sehingga melayakkan kelate naik ko liga super.

antara player hok membarisi skuad ketika kelate kaloh ko selangor dale perlawanan akhir piala fa 2009

berjaya menjadi kapten skuad kelate.. buke cale cale ore buleh pakai lilitan kapten ni.

berjaya menjaringkan goal ketika kelate mene piala malaysia 2010 ke atas negeri sembilan, final ulangan hok tahun 2009.

berjaya menjaringkan goal piala sumbangsih kelate menewaskan selangor 2011

buat maso ni, beliau antara pemain tengah hok paling banyak menjaringkan goal dalam kejohanan liga super 2011


namun di sebalik tu..

beliau hampir menamatkan karier selaku pemain bola..

kecederaan serius akibat patah kaki ketika atas padang time lawe pula pine dan menyebabkan beliau terlepas peluang bermain perlawanan akhir piala maysia 201o

tidak pernah sekalipon di panggil menyertai latihan bersama skuad kebangsaan.. jangankan menanggotai skuad... panggil untuk pemilihan pon tidak pernah.


cerita di sebalik ore bernamo piya ni, mace mace doh ore dok wak bual.. ado hok molek ado hok tok molek nok dengar..

biaso laa, ore bilo ssohor ni.. ado slalu hok dok ngepom n dok takir..

hok dok ngepom gak, abih pah ko sut nok pujo dan nok puji.. sapa ado page facebook dok suruh piya main nga skuad kebangsaan.. heheheh

dan sebaliknyo pulok berlaku ko set hok tok berlago angin nga piya ni

....................

bereh dulu.. lain kali ambo sambung pulok .. banyok cerito pasal piya nih.

assalamualaikum..

jange lupo tinggalkan komen alik bowoh kalu fakta ambo silap..